Естонија минатата година го започна проектот ProgeTiiger во 20 основни училишта низ целата земја, во кои децата во основно училиште учеле програмирање...



Сега нешто слично сакаат да направат и во Финска. Александар Стаб, финскиот министер за надворешна трговија, изјавил за Mashable дека Финска ќе воведе програмирање во нивните основни училишта.

"Би било одлично да има програмирање како изборен предмет во училиште. Децата денес растат со технологијата, па колку порано започнат со програмирање, толку подобро за нив. Сето тоа започнува со игри и запознавање со технологијата, а кодирањето само по себе е голем дел од приказната", додава Стаб.

Со воведувањето на вакви предмети не мора да значи дека децата веднаш ќе започнат со развој на апликации и игри, туку да го научат развојот на технолошките вештини од рана возраст.

Финска е исто така и многу плодна почва за претприемачи и програмери од неколку причини. Првата е поради Rovio, компанијата што стои зад мега-популарните Angry Birds и Nokia, од која произлегоа многу претприемачи и покренувачи на нови start-up проекти. Второ, Финска има академија за програмирање на Aalto Универзитетот вон Хелсинки, која е финансирана од самото училиште, Nokia и Microsoft, а е наменета за развој на апликации за Windows Phone платформата.

Што мислите, треба ли нашите училишта да започнат да размислуваат за воведување на предмети од кои децата ќе учат да програмираат?