Откако било објавено дека сервисот Snapchat 2 пати ја одби понудата на Facebook, се чини дека директорите на компанијата цврство веруваат дека можат да заработат повеќе...



Пред неколку дена пишувавме дека Snapchat ја одби понудата на Facebook која достигнала до 3 милијарди $ и тоа откако ја одби првата понуда од 1 милијарда $. Сега веб-страницата Valleywag објавила дека Snapchat го одбила и Google, кој понудил 4 милијарди $.

Причината зошто Snapchat не сака да го продаде нивниот сервис е што следната година планира да ја зголеми нивната инвестиција, која ќе им овозможи да го надминат бројот на фотографии кои ќе се споделуваат на дневна основа на Facebook.

Ако се случи тоа, компанијата очекува вредноста на компанијата вртоглаво да се зголеми, многу повеќе од 4 милијарди $ кои моментално им се нудат.