Станува збор за еден вид на топка, која кога ќе ја фрлите во воздух, таа ќе ви заврши добра работа со сликање на панорамски фотографии, кои со обичен апарат малку потешко ќе ги направите...



Апаратот се вика „Panono“ и навистина нуди интересно задоволство со фотографирањето и тоа панорамско фотографирање од 360 степени. Има приближна големина колку топка за безбол и содржи 36 камери, кои, кога ќе го фрлите „Panono“ во воздух, ќе сликате целосна панорамска фотографија со дури 72 мегапиксели. Сликањето од птичја перспектива е малку потешко за "обичните смртници", а „Panono“ ви го овозможува токму тоа.



Проектот се уште е во фаза на собирање средства за популарната crowfunding услуга Indiegogo, а целта е да се собере износ од точно 900.000 $, за да може да почне овој уред да се произведува. Цената се уште не е дефинирана, но првите 600 среќници ќе можат да го купат по цена од 499$ со инвестиција.

Погледнете колку неверојатно изгледа овој уред на промотивното видео.