Насловот на оваа интересна инфографика е чиста вистина, порано мобилните телефони беа големи колку тули, а денес се вистински мозок...
Нормално дека човечкиот мозок е темел на сè, но мора да признаеме дека нашите паметни телефони во голема мера ги поедноставуваат нашите животи, паметат, нè предупредуваат, бројат, ни даваат предлози, и.т.н. Се прашувате како и кога започнало сето тоа? Дури од 1973 година е изработен првиот мобилен телефон, а со масовно производство се започнало 10 години подоцна, кога во 1983 година Motorola започнала да го продава својот мобилен телефон по цена од 3.995 $.
Долги години Motorola и Nokia биле поим во индустријата на мобилни телефони, како што сосема точно укажува инфографикот, но во последните 30 години, пазарот доживеа вистински пресврт. Затоа интересно е да се потсетиме кои брендови во одредени периоди од "мобилната ера" беа лидери за квалитет и господари на пазарот, а каде се истите тие денес. Така сето тоа започнува со Motorola DynaTAC 8000X, па се до iPhone 5S.
