Мала група корисници веќе ја тестира новата технологија со помош на која Фејсбук ќе собира и следи податоци преку движење на вашето глувче...
The Wall Street Journal дошол до сознание дека Фејсбук на големо ја тестира оваа технологија која на мрежата ќе и овозможи податоците добиени од движењето на глувчето да ги искористи за најразлични намени, од развој на програми за Фејсбук до огласувања.
Порталот Mashable наведува дека новата Фејсбук технологија ќе и овозможи на друштвената мрежа да дознае на кои делови од сајтот корисниците најмногу се задржуваат и ќе се обиде да открие што најмногу им го привлекува вниманието.
На тој портал се наведува дека во наредните неколку месеци ќе биде донесена одлука за тоа дали развојот на оваа технологија ќе биде продолжен или ќе биде отфрлен.
