Додека ја исчекуваме продукциската верзија на Android 4,4, наречен Kit Kat, не е лошо да се потсетиме како започнал најкористениот мобилен оперативен систем денес...

Во октомври Енди Рубин, Рич Минер, Ник Сирс и Крис Вајт ќе слават 10 годишнина од основањето на Android Inc. Мисијата била повеќе од јасна - развој на програми за паметни мобилни телефони, а целата приказна почнала да го менува својот тек две години подоцна, кога Google ја купила  компанијата.

Под покровителство на Google, Android доживеал неверојатна динамика, која, меѓу другото, резултирала со податоците за првиот квартал на 2013 година - Android уредите го држеле дури 75% од пазарот.