Најпопуларна боја за автомобилите, кои излегле на пазарот во 2013 година во САД, е бела, објавија во вторникот експерти од корпорацијата "PPG Industrieѕ", еден од водечките светски производители на автомобилски бои...

Компанијата ги следи не само наредбите на лаковите за покривање на автомобилите, но и одржува редовни анкети меѓу клиентите, за да е подготвена да реагира на промена во побарувачката. Според последното истражување 21% од автомобилите во САД биле бели. По нив се движат црните (19%). Сиви се 17%, сребрени - 15%. Компанијата соопштува за зголемената популарност на црвената и сината боја. Ова се однесува особено за спортските автомобили. Во класата минивенс најбарани се златни и беж модели.

Според претставници на "PPG Industrieѕ", благодарение на компанијата "Apple" во последниве години белата боја се поврзува со висока технологија и станува престижна боја. Производителите се обидуваат да понудат колку што е можно повеќе нијанси на белата боја.

Според истражувањата на "РРG" белото станува лидер и во останатиот дел од автомобилскиот свет. 25% од купувачите избираат автомобил во оваа боја.

Во светската хит парада црната и сребрената не отстапиле многу. Такви автомобили одбрале 18% од купувачите. Сега производителите избираат бои за моделите кои ќе излезат во 2016 и 2017 година. Според "PPG" следните модерни бои одат кон нијанси на темно зелена и виолетова.