Јапонскиот производител на автомобили Тојота од светкиот пазар ќе повлече 885.000 возила, поради проблемот со системот за климатизација кој може да го спречи отварањето на воздушните перничиња, соопштиле од компанијата...

Станува збор за автомобилите од семејството "камри", модели од 2012 и 2013 година, како и "камри хибрид", "авалон", "авалон хибрид" и "венз".

Најмногу возила ќе бидат повлечени од пазарот во САД, околу 803.000, додека на Блискиот Исток ќе бидат повлечени 15.000, а од европскиот пазар 1.600 автомобили.

Во соопштението се додава дека возилата ќе бидат проверени и доколку е потребно ќе се изврши нивна поправка.