Јапонскиот производител на автомобили Тојота, претстави нови генерација автомобили со ситем на автопилот, кој може да избегне судири и да се држи до средината на патот, без потреба возачот да го држи воланот...

Тојота наведува дека автомобилите со технологија која овозможува движење на возилото без учество на возач би можеле да се најдат на пазарот за неколку години.

"Напредната технологија за подршка на возачите ги спречува човечките грешки, го намалува стресот во текот на возењето и им помага на возачите да избегнат судири, што има значаен потенцијал за намалување на бројот на сообраќајни несреќи", изјавил управниот директор на Тојота, Моритака Јошида.

Водечките автокомании и технолошките фирми, вклучувајќи ја Тојота, ривалскиот Нисан, и интернет гигантот Гугл, веќе со години работат на технологијата автопилот за автомобили.

Системот на автоматска асистенција при возење на автопат (АHDA) овозможува безжична комуникација меѓу возилото, за да се избегне негово судирање.

Тојота планира да инсталира АHDA во комерцијалните модели во наредните неколку години. Компанијата веќе вовела систем за помош при кочење во луксузните "Leksus" модели, а планира да го инсталира и на другите модели до 2015 година, покрај останатата технологија.

Тојота наведува дека новиот систем ќе биде од посебна помош за постарите возачи.