Редизајнираниот Skype за Android оперативен систем е со намена првенствено за корисници со таблети, кои, како што вели Microsoft, "со новата верзија ќе добијат поинакви видео-повици"...



Намерата е користењето на Skype апликациите на таблетите, да бидат повеќе усогласени со начинот на употреба на компјутери или лаптопи, иако последната надградба е пуштена на 8-ми октомври, најмногу за корисниците со Kindle Fire HD и Kindle Fire HDX таблети.

Се разбира ова важи и за сите што го користат Skype на Android, а со новата верзија ќе добијат подобар квалитет на видео повиците и четири пати поголема резолуција, велат од Microsoft. Тука се и поголемите рамки, целосна поддршка за talkback читач на екранот, подобрување во квалитет на звукот, и.т.н.

На сите што го користат Skype на Android им се препорачува веднаш да ја надградат апликацијата, со цел да можат да ги користат сите "придобивки" од истата, а Skype можете да го преземете од GooglePlay.