Се чини дека Samsung ги следи новите трендови, кои ги имплементира на своите телевизори, па така и закривениот OLED-екран го вградија и на паметните телефони...



Долго се дискутираше за паметен телефон со ваков закривен екран. Очигледно веќе дојде времето и кога ќе биде комерцијализиран. Samsung на пазарот го лансира уредот Galaxy Round, кој засега ќе се продава само во Јужна Кореја.

Уредот има екран со големина од 5,7 инчи, 1080p резолуција, односно иста големина како Galaxy Note 3.

Се уште не е познато зошто служи поточно закривениот екран. Познато е само дека кога ќе го занишате уредот, ви ги покажува пропуштените повици. Samsung тоа го нарекува „Round Interaction“. Од компанијата велат дека промената на екраните е чувство на постојани промени, а наводно се работи за нов tilt-tap, базиран на интеракции за фотографии и музички апликации.

Што се однесува до останатите детали, Galaxy Round е тенок 7 мм, има 154 грами, батерија од 2800mAh и камера со 13MP. Уредот има Android 4.3, 3GB RAM меморија и 2,3 GHz, quad-core процесор. Верзијата „Luxury Brown“ ќе се продава за неверојатни 1.000 долари, а засега нема никакви информации дека овој уред би можел да оди на продажба низ цел свет.