Интернет веќе игра преголема улога во нашите животи, една од секои 12 минути ги поминуваме на интернет...



На дневна основа тоа значи дека секој човек на планетата сурфа на интернет по 80 минути, во рок од 24 часа. За време на овие пресметки биле земени во предвид и „исфрлени“, 8-те часа кога спиеме.

До овие податоци дошле истражувачите од двете мултинационални агенции, Internet Advertising Bureau (IAB) и Price Waterhouse Coopers (PWC). Како што е наведено од две агенции, ова времето дефинитивно го поминуваат корисниците на интернет, па дури и подолго, кога ќе се земат во предвид и луѓето кои немаат пристап до интернет.

За зголемувањето на времето поминато на интернет, придонесел развојот и се пошироката употреба на паметни телефони. Од двете агенции наведуваат дека во просек, двајца од тројца луѓе во светот поседуваат паметни телефони.

„Интернетот стана неопходен дел од нашите животи. Го користат сите влади на земјите, бизнисмени, општеството како целина“, рекол Греам Џонс, член на психолошка организација во Велика Британија. На прашањето како влијае интернетот на секојдневниот живот на луѓето, одговорил дека времето поминато на интернет влијае врз способноста за памтење.

„На пример, не мора повеќе да памтиме информации и податоци. Доволно е само да ги побараме на Google“, додава Џонс.