Само две недели откако Ејпл го претстави својот нов iPhone 5S кој може да се купи и во златна боја, Samsung направил исто со својот последен паметен телефон Galaxy S4...

Телефоните во нови бои се претставени преку друштвените мрежи: на фејсбук на страницата на Samsung Gulf е објавена фотографија на која може да се видат две различни верзии на златното издание на Galaxy, Gold Brown и Gold Pink, додека на Твитер профилот на Samsung од Саудиска Арабија е објавена само форографија од розово-златната верзија на телефонот.

Објавените фотографии на уредите ги прикажуваат само нивните предни страни, и не е познато дали позадината им е целосно златна или станува збор само за рабовите на телефонот, а бидејќи не се претставени ниту на една друга страница освен на споменатите се претпоставува дека во понуда засега ќе се најдат само на пазарот на Блискиот исток.