На повидок е нова ера кај тетовирањето, пионерот во областа на дигиталните тетоважи, Њујорчанецот Ентони Ентонелис вградил чип во неговото тело, поточно на неговата рака помеѓу палецот и показалецот...



Чипот е со големина на оризово зрно, има антена со капацитет од 1KB и може да генерира GIF слика или тетоважа каква што ќе си избере клиентот. Тетоважата може да се види исклучиво преку паметен телефон.

Доволно е корисникот да го приближи неговиот телефон на само неколку сантиметри од местото каде што се наоѓа чипот и на екранот се прикажува дигиталната тетоважа.

„Со телефон секогаш можам да префрлам нов GIF или слика. Имам план различни уметници да создаваат креативни уметнички дела и на тој начин да создадеме дигитални, уметнички тетоважи“, рекол Ентонелис.

Технологијата што тој ја развил може да стане голем хит низ цел свет, благодарение на зголемувањето на бројот на технолошки уреди како што се Google Glass, со чија помош тетоважата ќе може да се види. Голема предност на овие тетоважи е корисниците секогаш ќе можат да ги менуваат.

Погледнете ја овде видео снимката.