Социјалната мрежа Фејсбук нè тера да се чувствуваме постојано поврзани со своите пријатели, но не не прави посреќни, утврдија американските истражувачи од Универзитетот во Мичиген...

Според истражувачите колку повеќе време луѓето поминуваат на Фејсбук, толку помала е нивното сопствено задоволство од животот. "Луѓето не се чувствуваат посреќни кога одржуваат виртуелни контакти.

Фејсбук обезбедува можност за задоволување на основната човечка потреба од комуникација. Но наместо да го зголемува задоволството од животот, мрежата има спротивен ефект", објасни социјалниот психолог Итан Крос од Институтот за социјални истражувања на Универзитетот во Мичиген.

Во истражувањето учествуваат 82 возрасни кои имаат Фејсбук профили и користат пристап дури и преку својот мобилен телефон. Резултатите покажуваат дека во просек учесниците ја отвораат страница по пет пати на ден. Во текот на студијата, која траеше 2 недели, секојдневно учесниците одговарале на прашања како "Се грижите ли?, Колку осамено се чувствувате?" И др.

Научниците ги замолиле волонтерите да го проценат степенот на задоволство од животот во почетокот и крајот на студијата и утврдиле дека колку почесто користат Фејсбук, толку полошо се чувствуваат. Во исто време комуникацијата лице в лице е извор за повеќе позитивни емоции, расположение и задоволство од комуникацијата.