Американскиот технолошки гигант Apple го доби клучниот спор околу патентот против ривалот Самсунг пред Американската меѓународна комисија за трговија (US ITC)...



US ITC ја повтори пресудата од 2011 година, во која се наведува дека Samsung го загрозил патентот на Apple во производството на мобилни телефони, медиа плеери и таблети, пишува британскиот јавен сервис Би-Би-Си.

Комисијата воведе забрана за продажба на Samsung уреди. Забраната сепак нема да стапи во сила додека американскиот претседател Барак Обама не ја разгледа одлуката, за која има рок од 60 дена, иако аналитичарите веруваат дека претседателот нема да ја оспори одлуката на Комисијата.

"Ние сме разочарани што ITC нареди забрана врз основа на два патенти од Apple. Индустријата на паметни телефони не треба да се фокусира на глобалната војна во судовите, туку за фер конкуренција на пазарот", изјавиле од Samsung.

Патентите кои се однесуваат на оваа тема од пресудата, се нарекуваат "Стив Џобс" патенти, кои се однесуваат за технологијата чувствителна на допир и патентот поврзан со аудио влез за уредите. Apple го тужеше Samsung за прекршување на уште четири патенти, кои ITC ги одбил.