Американската компанија Google откри во извештајот доставен до американските регулатори, дека од почетокот 2013 година презела над 16 други фирми, за што потрошила 1.31 милијарда долари...



Најголемиот дел од таа сума, дури 966 милиони долари отишле за израелскиот картографски start-up Waze, пишува порталот Bug.hr.

Аквизицијата е спроведена пред неполни 2 месеци, после извесните шпекулации во врска со борбата на Apple и Фејсбук за Waze.

Некои аналитичари сметаат, според написот, дека главна причина за купување на Waze е да се спречи да падне во рацете на конкурентите, со што значително ќе ги збогатат своите анемични навигациски решенија.

Waze стана позната најмногу поради можноста на корисниците сами да додадат информации за моменталната ситуација и развојот на настаните во сообраќајот, кои се распределуваат до сите останати корисници. Благодарение на тоа, возачот што ја користи Waze за навигација, има увид во вистинската состојба на теренот.

За разлика од Waze, помеѓу големите преземања на Google од почетокот на годината, се Makani Power, летечките змееви кои генерираат електрична енергија, Behavio - за анализа на податоците од локацијата на корисниците на мобилни телефони и WAVI - персонализирани вести.