Заборавете на сиво-црните слики од вашето бебе со ултразвучни прегледи...



Јапонската компанија FASOTEC за медицински инженеринг, користи 3D скенер за изработка на реплика на фетусот, од смола во крем боја, за која наплаќаат околу 500$.



Компанијата исто така изработува реплики и од органи од човечко тело, на кои хирурзите се вежбаат пред операции.



„Само еднаш во животот сте бремени со едното дете. Добивме бројни барања за модели на фетуси од бремени жени, кои велат дека не сакаат да го заборават искуството и чувствата од тоа време“, вели портпаролот на компанијата Тамохиро Киношита.



Компанијата користи технологија со слоеви за изработка на 3D обрасци, врз основа на ултразвучен преглед. Скенирањето обично се прави во осмиот и деветтиот месец од бременоста.