Мобилната апликација "Легенда од сопруг" која ја направил австралискиот свештеник Маарк Рејли, би можела да послужи како спас за сите заборавени мажи така што често ќе ги потсетува на сите детали кои се важни за нивните партнерки...

Апликацијата е осмилена така да служи како потсетник за информации како важни датуми - роденден, годишница од бракот, но и омиленото цвеќе, големина на фустаните и обувките, закажан љубовен состанок и сл.

Сите важни датуми се синхронизирани со календарот на мобилниот телефон, а мажите можат да снимат и видео во кое ќе се потсетуваат себе колку ја сакаат својата сопруга или девојка во моментите кога работите не одат баш најдобро во врската.

оваа апликација нуди и опција на праведна кавга, затоа што, во зависност од кое време ќе ја подесете, покажува сино светло на екранот кога е ред на сопругот да зборува без прекинување, и розово кога понежниот пол може да превземе збор.

"На идеја дојдов слушајќи ги своите пријатели како се жалат дека никогаш не знаат кој број облека носи нивната жена или што да и подарат за годишнината од бракот. Се шегувавме дека за такви работи би требало да постои апликација, па јас одлучив и ја измислив", вели свештеникот кој тврди дека апликацијата ќе им помогне на мажите да ја вратат романтиката во својот брак.