Во Кувајт Instagram не се користи само за разубавување на фотографии, туку и за бизнис...



Се што ќе објавите и му ставите цена, ќе можете најнормално да го продадете.

Instagram туку што стана нешто повеќе од едноставна услуга за споделување на фотографии, затоа што во Кувајт го користат и за продажба. Кувајт во основа е се уште држава со општествено уредување, но со супер неолиберална потрошувачка економија, пишува Business Insider.

Фатима Ал Кадири е уметничка и пораснала во Кувајт. Таа објаснува зошто Instagram станал хит таму.

„Ние конзумираме најмногу од сè. Бизнисот со Instagram стана голема работа во Кувајт“, вели таа.

„Ако имате Instagram корисничка сметка, можете да залепите цена на било што, да го сликате нештото и да го продадете преку овој сервис. На пример, можам да ја искористам оваа конзерва, да ја обојам во розево, да ставам срце на неа, да го наречам производ и да го ставам на продажба. Дури и баба ми има бизнис на Instagram! Продава суво овошје“, рекла Ал Кадири.

Во реалноста, Istagram сè уште нема бизнис модел. Можеби овој што се користи во Кувајт, не би успеал во остатокот од светот, но сепак е добра алтернатива за традиционалното огласување.