Секој пат кога Apple презентира нов модел на iPhone, компјутер, или нова верзија на оперативен систем, клиенти веднаш го изразуваат своето (не) задоволство на социјалните мрежи од презентираните иновации...



Компанијата „We Are Social“ истражила како корисниците реагирале на претставувањето на последниот телефон на Apple, на iPhone 5, кој беше презентиран уште во септември минатата година. Тогаш ги презентираа и другите трите конкурентски модели - Nokia Lumia 920, Z10 BlackBerry и Samsung Galaxy S4 и како што веше објавено во Дејли Меил, врз основа на сите информации за перформансите, iPhone е прогласен за „најомразен телефон“.

Всушност, откако Apple го претстави најновиот модел на iPhone, 20% од објавите на социјалните мрежи, корисниците го критикувале телефонот. Најдобро помина Samsung, чие лансирање на Galaxy S4 го искритикуваа 11% од корисниците.

Сепак, од Дејли Меил истакнуваат дека по лансирањето на Apple се забележани многу повеќе објави (1,7 милиони), кои се однесуваат на iPhone 5, отколку по лансирањето на новиот Galaxy (140 илјади). За другите два модели, имало околу 300,000 објави за BlackBerry Z10 (18 % негативни) и 45 илјади поврзани Lumia 920 (15 % негативни).

Она што е малку контрадикторно во ситуацијава, е што за iPhone5 се подигнала поголема прашина и покрај тоа што е негативна. Бројката е сепак многу поголема отколку за лансирањето на најновиот модел на Galaxy. Ова не води кон две сфаќања. Или iPhone5 се критикува затоа што ја држи цената на пазарот и не може да си го дозволи секој па луѓето се нервозни, или во овој случај важи поговорката „За добар коњ се крева голема прашина“.