Започна продажбата на новиот паметен телефон со оперативен систем на Firefox развиен од Mozilla Foundation. Од средата во Шпанија веќе може да биде купен новиот електронска скапоцен камен ZTE Open за 69 евра...

Mozilla, која претставува заедница на научници и корисници, е џуџе на пазарот за паметни телефони, кое е доминирано од гигантите како Apple и Google, чии програми за оперативни системи iOS и Android се поставени во 90% од смартфоните на пазарот во моментов.

Mozilla ги здружи силите со шпанската компанија Telefonica и со кинеската ZTE за создавањето на новиот производ, кој користи интернет како платформа за сите свои функции и апликации.

"Убедени сме дека смартфоните треба да бидат достапни и отворени кон потрошувачите и токму глобалната мрежа може да помогне тоа да се реализира", изјави при премиерата на ZTE Open извршниот директор на Тelefonica Espana Луис Мигел Гилперес.

Во следните недели продажбата на новиот оперативен систем на Mozilla ќе стартуваат во Колумбија и Венецуела. Првите рецензии за ZTE Open се мешани, иако сите аплаудираат на неговата ниска цена.