Погледнете како ќе изгледа новиот iPhone во боја, кој ќе биде со сличен изглед, како и iPhone 5, а ќе се продава во три верзии...
Наводно се појавиле фотографии од новиот, поевтин iPhone, кој би требало да се појави подоцна оваа година, заедно со iPhone 5Ѕ уредот. Евтиниот iPhone, според изворите на порталот GSMArena.com нема да чини 99 долари, како што се претпоставуваше, туку без договор, ќе се продава за 349 долари во верзија од 16 GB меморија, односно 449 и 549 долари, во верзија од 32 и 64 GB меморија. Иако ова цена и не е толку ниска, во споредба со моментално актуелниот модел од 8 GB, кој во SIM Free верзија чини 450 долари, цената сепак е пониска.
Овие информации ги објавил Сони Диксон, кој веќе неколку пати има објавувано "ексклузивни инсајдерски" Ејпл информации пред тие официјално да бидат потврдени. Значи, сепак има смисла да му веруваме.
Имате прилика да видите колку новиот iPhone е сличен на петката, но и кои се некои од боите во кои ќе се продава. Куќиштето на телефонот ќе биде изработено од пластика, а некои од внатрешните елементи и компоненти се заменете со поевтини. Првиот буџетски iPhone би требало да го замени iPhone 4Ѕ, додека iPhone 5Ѕ ќе го замени iPhone 5.
