Додека компаниите се подготвуваат за првите вселенски туристички летови во вселенски хотел, PayPal развива сервис кој ќе овозможува плаќање од вселената...



Милиони корисници преку PayPal објавуваат онлајн финансиски трансакции со своите компјутери и паметни телефони, а во оваа компанија веќе се чека следниот чекор за да започне и програмата PayPal Galactic, која се однесува на извршување трансакции во вселената.

„Дојде времето да почнеме да ја планираме иднината, иднина во која нема да зборуваме само за глобалните трансакции. Денес ја прошируваме нашата визија од Земјата до вселената“, пишува на официјалниот блог на компанијата, која за развој на вселенскиот сервис за плаќање ќе соработува со Институтот SETI и организацијата на Space Tourism Society.

Иницијативата на PayPal ја поддржува и Баз Олдрин, кој вели дека за астронаутите и на астротуристите е неопходно да се обезбеди удобност слична како онаа на Земјата, а тоа го вклучува и начинот на кој ќе се спроведуваат паричните трансакции на патот кон орбитата, вселенски хотел или на други планети. „Мислам дека луѓето ќе одат на Марс и би сакал да го доживеам тоа. Кога ќе се случи ова, нема да се изненадам кога луѓето таму ќе го користат PayPal Galactic“, додал Олдрин.