Изгледа дека не се сите Nexus 4 уреди исти. Сајтот Phone Arena забележал дека температурата на бојата на дисплејот на еден Nexus е повисока од температурата на друг. Ова ги заинтересирало па одлучиле да погледнат за што се работи...

После бројните тестирања откриено е дека еден Nexus имал просечна температура на бојата од 7100К додека друг имал просечна температура од 7900К.

Кога бил запрашан за разликата на моделите, претставник на компанијата LG изјавил дека од време на време потребно или пожелно е да се изменат одредени спецификации на производот доколку инжењерите и менаџментот сметаат дека таквата промена би ја подобрила функционалноста на уредот.

Иако, хопотетички, овој проблем би можел да биде решен со обичен софтверски апдејт, работите се малку поразлични.

"Не пости лесен начин за корисниците да пристапат кон подесување кое е потребно за повторна калибрација на дисплејот", вели претставникот.

Поради тоа, софтверското решение не е најлесно за компанијата со оглед на тоа дека би било извонредно тешко да се спроведе на дело.

Ова, за жал, значи дека корисниците на поранешните модели ќе имаат полоша температура на бојата.