Јужна Кореја е една од најнапредните нации кога станува збор за технологија, а зависноста од интернет таму е позната уште кон крајот на 90-тите...

Но, се појави нешто ново, кое се нарекува дигитална деменција, односно состојба која е слична како кај луѓето кои претрпеле тешки повреди на главата или психичка болест, јавува Telegraph. За што точно се работи?

"Претераното користење на смартфони и рачни конзоли го забавува целокупниот развој на мозокот, односно е зголемен развојот на левата страна на мозокот, додека десната заостанува", вели Byun Gi-won, лекар во центарот за развој на мозокот.

Десната страна инаку е поврзана со концетрацијата, а недостатокот на концентрација значително влијае на помтењето и се проценува дека 15% од таквите луѓе ќе ја изгубат меморијата пред време.

А ситуацијата е се полоша и полоша: Повеќе од 67% од Корејците имаат смартфони, што е повеќе од било каде во светот, а се очекува дека тој број постојано ќе расте/

Германцот др. Манфред Спицер го препознал тој тренд во Европа, и ја издал книгата "Дигитална Деменција", која ги предупредува родителите и учителите да го контролираат користењето на компјутери и смарфони кај децата, пред да станат зависни.