На презентација на Фејсбук е објавено дека од денес преку популарниот сервис Instagram ќе може да се споделуваат и видео клипови...
Instagram корисниците од денес преку овој сервис, освен фотографии, ќе можат да испраќаат и кратки видеа во времетраење од најмногу 15 секунди.
БиБиСи јавува дека директорот на Instagram Кевин Систро рекол дека и на видео клиповите, на ист принцип како и фотографиите, ќе може да ги додавате популарните филтри за разубавување.
Овој новитет кај Фејсбук е уште еден удар за популарниот видео сервис на Твитер - Vine. За разлика од Vine, видеата на Instagram ќе престанат сами кога ќе стигнат до крај, а корисниците ќе можат да го изберат и кој „thumbnail“ го сакаат.
Instagram секој месец го активно го користат околу 130 милиони луѓе, а досега имаат објавено на него околу 16 милијарди фотографии.
