Јапонскиот Шарп во Европа почна да го продава најголемиот телевизор на пазарот, со дијагонала од 229 сантиметри. Овој уред од минатата година се продава на пазарот на Северна Америка, а компанијата заклучила дека и на Стариот континет постои интерес за ваков ТВ со неверојатно голема дијагонала...
Моделот на Шарп AQUOS LC-90LE757 по големина го надмина и досегашниот рекордер од компанијата LG, чиј најголем телевизор има дијагонала од 213 сантиметри.
Пазарните анализи покажуваат дека 8% од телевизорите продадени во САД имаат дијагонала од 150 сантиметри и поголема. За споредба, во Британија телевизорите со дијагонала од 130 сантиметри и повеќе сочинуваат 6% од продажбата, но поради високите цени имаат учество од 16% во приходите.
"Телевизорите стануваат се потенки, па се повеќе соби може да примат вакви уреди. Големината на екранот е најпривлечен фактор за луѓето кои купуваат нов произвот", изјавил Најџел Кетлоу од компанијата GFK.
