Минатата недела Европа го доби најбрзиот хеликоптер во светот - Eurocopter X3...



Неговата максимална брзина во хоризонтален лет изнесува дури 472 км / ч!

Eurocopter X3, истоимениот европски производител на хеликоптери, минатата недела за време на тест летот постави нов брзински рекорд за хеликоптери, откако ја постигна максималната брзина од 472 км / ч во хоризонтален лет. Иако Europcopter X3 го урна рекордот на 7 јуни годинава, веста во врска со тоа е објавена дури вчера, пишува Wired.

За претходниот рекорд е заслужен американскиот производител на хеликоптери - Sikorsky, со својот X2 модел, кој во 2010г. летал со рекордна брзина од 463 км / ч.

Eurocopter X3 е всушност хибридно летало, кое има главен ротор, а крилата на секој крај имаат по два пропелерски мотори. Најголемиот предизвик со кој двајцата производители морале да се соочат, се роторите на хеликоптерите. Тие морале да се адаптираат аеродинамички за да се обезбеди што помал отпор.