Количината на содржините кои секојдневно се појавуваат на интернет е непресметлива, а технолошкиот напредок се движи со неверојатна брзина...



Затоа ви пренесуваме неколку факти од Бизнис Инсајдер во врска со оваа тема.

1. Денес имаме 9 пати повеќе содржини на интернет, отколку пред 5 години, благодарение на корисниците што споделуваат фотографии, слики, твитови, статуси, статии... Во 2011г. на интернет имаше 2 зетабајти содржина. (1 зетабајт = 1 милијарда гигабајти).

2. На интернет на дневна основа се појавуваат до 500 милиони нови фотографии.

3. Сервисот за споделување на слики Snapchat секојдневно генерира 150 милиони фотографии, што е значително повеќе од Instagram, или 1/3 од вкупниот број на фотографии, кои се прикачени на Фејсбук.

4. YouTube расте со неверојатна брзина - секоја минута се прикачуваат материјали со над 100 часа.

5. YouTube му се приближува на Фејсбук неверојатно брзо според бројот на корисници, а Tumblr за само 1 година се издигна од целосно непознат, до редовно користена социјална мрежа.

6. Сè попопуларни стануваат фитнес апликациите.

7. Таблетите се продаваат побрзо отколку паметните телефони. За помалку од 3 години, колку што се присутни на пазарот, во продажбата ги „престигнаа“ десктоп компјутерите и лаптопите.

8. Просечниот корисник на мобилен телефон посегнува по 150 пати на ден по својот уред. Повеќето само проверуваат колку е часот.

9. Иако скенирањето на QR кодовите кај нас не се користат баш, во Кина бележи огромен пораст. Секоја година се скенираат 4 пати повеќе QR кодови за разлика од претходната година.