По веста дека Моторола почна да развива посебни тетоважи и таблети, стигна вест и дека лозинките ќе може да се заменат и со гримаси...



Google оваа недела пријави патент за софтвер, кој ќе служи за препознавање на лице. Ќе го скенира изразот на лицето и ќе го спореди со постоечки фотографии од базата на податоци за проверка на автентичност, пишува Хафингтон Пост.

Значи, секогаш кога софтверот ќе побара идентификација, корисникот мора да направи гримаса која ги вклучува движењата на очите, веѓите, усните, челото и носот. Но, поради сигурност се предлагаат намигнување, движење на веѓите, мрдање на носот и „кривење“ со јазикот.

Скенирањето на лицето за потврда на идентитет не е ништо ново. Google укажува дека ова е техника за да се спречи неовластен кориснички пристап на уреди кои не им припаѓаат на луѓето.

„Хакерот може да го измами компјутерот со едноставна слика, но секој од нас на посебен начин ги менува изразите на лицето и има уникатни изрази, кои дури ниту најпаметните нема да можат да ги имитираат, барем теоретски“, изјавила Ребека Гринфилд од Atlantic Wire.

Од Google се уште го очекуваат одобрувањето на овој патент, затоа не сакаат да коментираат никакви детали.