Domino’s Pizza тестира беспилотни летала кои во иднина би можеле да испорачуваат пици наместо луѓето...



Во последно време во САД се расправа за беспилотни летала, кои наскоро би можеле да летаат над главите на Американците. Многумина се сомневаат дека овие уреди може да станат идеална алатка за следење на луѓе.

Некои компании имаат други планови во врска со беспилотните летала, па така компанијата Domino’s Pizza почна да го тестира DomiCopter - мало беспилотно летало, на кое може да се стави торба со пици и кое наместо добавувачи ќе ја однесе пицата на прагот кај луѓето што нарачале пица.

Domino’s Pizza за тестирање на леталото ја ангажирала агенцијата T Biscuits, основана од Том Хетон, кој за Fox News изјави дека е восхитен од тоа колку е едноставна воздушната испорака, бидејќи нема губење време во сообраќај и чекање на семафор, а пицата стигнува за многу брзо време.

Моменталниот прототип со воздушна испорака може да достави две пици во радиус од околу 6 ипол километри за 10 минути. Овој тест модел се контролира од луѓе, но идните верзии на DomiCopter, освен дигитален компас и разни сензори, би можеле да се користат и GPS координати за испорака, така што со нив нема да управува човек - пиците сами ќе се ставаат во торбата на леталото, се впишуваат координатите на местата за достава и бргу ќе одлетуваат на договореното место.

И покрај тестирањето, се уште е непознато дали овие летала ќе може да се користат за секојдневна испорака.