На интернет се појави видео концепт на iPhone со екран со дијагонала од 4,8 инчи, кој има копче „Home“ на допир...



Иако Тим Кук рече дека новите уреди ќе ги презентираат на есен, обожавателите на Apple се уште се надеваат дека компанијата уште следната недела ќе го претстави новиот iPhone, а можеби и новиот iPhone мини.

Како и секогаш кога станува збор за Apple, се уште нема официјални информации за појавувањето на нови модели на iPhone. Според досегашните шпекулации се зборуваше дека компанијата подготвува iPhone мини - поевтин модел на iPhone, кој ќе биде наменет воглавно за пазарите во развој и iPhone 5S, кој ќе биде како надоградба на сегашниот модел. Големите промени можеме да ги очекуваме кај iPhone 6, кого компанијата планира да го презентира на крајот на оваа, евентуално следната година.

На страницата uSwitch излезе видео од новиот iPhone модел, каков што го замислил Ran Анвил. Неговиот iPhone 5 ги има истите димензии како сегашниот модел, но со помала рамка околу екранот, кој е многу поголем и чија дијагонала изнесува 4,8 инчи. Освен тоа, iPhone ќе има и повисока резолуција од 1320 x 740 пиксели.