Јужна Кореја go претстави својот прв автомобил кој работи со амонијак, соопшти агенција Јонхап...

Возилото, развиено од Корејскиот институт за енергетски истражувања користи како гориво мешавина од 30% бензин и 70% амонијак, што овозможува да се намали лачењето на штетни гасови за 70%.

Претставници на Институтот ги нагласија предностите на новиот тип на гориво. Тие истакнаа дека амонијакот не произведува штетни гасови при согорување. Исто така амонијакот може да биде додаван во горивото на секој вид возило, потребно е само лесна надградба на системот.

Ако со новиот тип на гориво се полнат само 20% од сите автомобили во Јужна Кореја, издувните штетни гасови ќе се намалат за 10 милиони тони или 15% годишно.

Единствениот недостаток, но затоа пак многу сериозен, е високата цена на амонијакот. Претставници на Институтот тврдат дека веќе работат на поевтин метод за производство.