Над 100 милиони од редовните корисници на Фејсбук не се луѓе, констатира во своето истражување на пазарот фирмата eMarketer, цитирана од весникот Дејли мејл...

Станува збор за било каков вид на миленичиња марки производи, фирми и сл. Вкупно корисници на социјалната мрежа се 1 милијарда.

Дури и Бист (ѕвер), кучето на основачот на Фејсбук Марк Зукерберг, може да се пофали со својата страница во социјалната мрежа. Излегува дека тоа има 1,5 милиони пријатели.

Луѓе меѓу корисниците има 889,3 милиони. Од Фејсбук предвидуваат дека во 2014 година 1,11 милијарди луѓе ќе присуствуваат во мрежата.
Во моментов најголем раст на бројот корисници се забележува во Индија, земјите од Блискиот Исток и Африка. Во секој од овие региони до крајот на годината се очекува да биде забележано зголемување на корисниците со 30%. Во САД и Западна Европа процесот е со доста скромно темпо. Луѓето кои се занимаваат со инвестиции во Фејсбук, се загрижени дека тинејџерите губат интерес во оваа мрежа и се селат на сајтови како Твитер. "Фајненшл тајмс" објави дека според инвеститорите младите веќе не го сметаат Фејсбук за "јака" страница, а го прифаќаат повеќе како мрежа на нивните родители. Според истражувањето меѓу тинејџерите во САД 40% од испитаниците рекле дека имаат намера да користат помалку Фејсбук оваа година во споредба со 2012.

Во Западна Европа, само 37% од луѓето активно ја користат оваа социјална мрежа. Сепак од eMarketer предвидуваат дека во 2017 година корисниците на Фејсбук ќе достигнат 54,7% од корисниците на интернет - денес бројката е 42,6%.

Во последните неколку години, луѓето во земјите како Кина, Јапонија, Русија и Јужна Кореја почнаа да уживаат во локални сајтови ривали на Фејсбук.