Компанијата Samsung Electronics соошти дека успешно ја тестирала супербрзата пет генерација (5G) на безжична технологија, која на корисниците ќе им овозможи на пример, да го превземат цел филм за една секунда...

Јужнокорејскиот гигант тврди дека тестовите покажале дека еден гигабајт може да се пренесе за една секунда со оддалеченост од неколку километри. Новата технологија, која нема да биде подготвена за комерцијалниот пазар пред 2020 година, ќе го забрза преносот на податоци и за неколку стотици пати од технологијата 4G LTE, која сеуште не е во употреба. Тоа ќе им овозможи на корисниците да пренесуваат масивни датотеки, вклучувајќи и дигитални филмови со висока резолуција, практично без ограничување.

"Корисниците ќе можат да уживаат во широкиот спектар на услуга како што се 3D филмови и игри, потоа во streaming содржините со ултра висока резолуција (UHD) и медицински услуги на далечина."

Од Самсунг исто така поракчуваат дека со користењето на 64 антенски елементи го решиле проблемот со неповолните карактеристики со ширење на бранови кои до сега го спречувале преносот на податоци на голема оддалеченост користејќи појаси со милиметарски бранови.

Јужна Кореја е една од најдобро поврзаните земји на планетата, а се проценува дека има 20 милиони 4G корисници.