Компанија од Масачусетс направи чекор поблиску до иднината, поради што на небото, освен авиони, хеликоптери и беспилотни авиони, ќе летаат и автомобили...

Амбициозна компанија од градот Вобурн, Масачусетс, ги објави првите материјали поврзани со нивниот нов проект - следната генерација на летечки автомобили.

Компанијата Terrafugia го нарече својот нов модел TF-X и тој ќе биде способен за вертикално полетување и слетување.

Овој интересен и храбар концепт, тврдат од компанијата, има радиус на летање од 750 километри, а има мотори на крилните позиции и во задниот дел. Полетувањето, летот и слетувањето ќе биде целосно автоматизирано (преку GPS навигација), истакнуваат од Terrafugiа.

Концептот веќе помина голем број на тест летови, а продажбата овој модел се очекува во наредните 8-12 години. Ако сакате да станете сопственик на ова летало, ќе треба да платите околу 300.000$, и да положите испит за пилоти.