WhatsApp ги демантираше интернет шушкањата дека компанијата Google преговара со нив за аквизиција, односно спојување на WhatsApp и компанијата Google.

На интернет на седми април се појави веста дека Google е во преговори со сопствениците на WhatsApp за купување, а споменета е и цифра од дури милијарда долари! Изгледа дека од тоа (барем за сега) нема ништо.

Веста ја демантираше директорот за развој на WhatsApp, Нирај Арора, кој рече дека компанијата не води никакви преговори со компанијата Google и дека е сконцентрирана на унапредување на апликацијата.

Порталот AllThingsD пренесува дека, дури и ако има некои најави во тој правец, тоа сигурно нема да го најави никој друг освен директорот на WhatsApp, Јан Коум, па ни советува дека изјавата на директорот за развој, сепак, да не ја сфаќаме здраво за готово.

Доколку WhatsApp и Google навистина преговараат, тоа би можело да биде обелоденето на D: Dive Into Mobile интернет конференцијата која ќе се одржи следната недела во Њујорк.

Ќе видиме, дали некој од чиста мира ја измислил веста за купувањето на WhatsApp...