Услугата на Ејпл, iMessage која е наменета за корисниците на iPhone, iPad, iPod и Macintosh компјутерите овозможува размена на пораки помеѓу наведените уреди...

Но, американската агенција за разбивање на дрогата DEA се загрижила дека дилерите ќе го користат овој начин накомуникација за размена на информации.

"iMessage пораките помеѓу уредите на Ејпл се заштитени без оглед на мрежата на која ја праќаат", пишува во извештајот на агенцијата.

DEA одбила да ја коментира изјавата.

Иако iMessage пораките се достапни уште од 2011, истражителите дури минатиот месец откриле дека пораките не можат да се следат што може значително да ја отежни истрагата.

Ако двајца луѓе комуницираат преку iMessage, тешко ќе се открие за кој се работи без помош на Ејпл.

Но, можно е да се извадат податоците од iPhone со помош на компјутер, иако Technology Review вели дека и на најискусните информатичари им претставува тешкотија да извлечат било што од уредот ако е заклучен со шифра и опција која ги брише податоците ако се внесе погрешна шифра повеќе пати.