Француската модна куќа Smuggler креирала и изработила одело кое ги блокира електромагнетните бренови кои ги произведуваат мобилните телефони.

„Ова би било прв пат технолошки материјал да се користи за секојдневна облека на маж, а тоа да не предизвикува непријатно чувство за време на носењето“, истакнува Бенџамин Анин од одделението на Smuggler за истражување и развој.

Досега овој специфичен вид материјал е користен во рудиментарната форма за облека на професионалци кои се исклучително изложени на електромагнетни бранови, напоменува Анин. На тој материјал фирмата Smuggler работела три години, во соработка со институтот XLIM од Лимож, специјализиран за проблеми со електромагнетизмот.

Извесниот материјал се користи за џебовите на сакото, а во него се ставени три нитни никел, кој не предизвикува алергиски реакции, не’рѓосувачки челик, алуминиум и пирит. Овој материјал наводно може да блокира 90% од електромагнетните бранови.

Првите одела со новиот материјал ќе се појават во рамки на колекцијата пролет-лето 2013 на фирмата Smuggler.