Гермаснкиот производител на луксузните автомобили BMW соопшти дека 2012 година била најдобра година во историјата на компанијата...

Профитот на групацијата мината година е зголемен за 4,4% во однос на 2011 на 5,1 милјарда евра, додека приходите истовремено пораснале на 76,8 милјарди евра, наведува компанијата, која исто така ги произведува автомобилите "Мини" и "Ролс Ројс".

"Минатата година беше најуспешна во историјата на работата на групацијата BMW, со нови рекорди во продажбата, приходите и профитот. Ги остваривме или надминавме сите цели за 2012 година и покрај големите пазарни предизивици", рекол извршниот директор на BMW, Норберт Рајтофер.

Компанијата во јануари наведе дека во 2012 година остварила рекордна продажба, а новите податоци потврдија дека BMW продал 1,84 милиони возила, што е за 10,6% повеќе отколку во 2011.

"Во 2013 повторно целиме на раст на обемот на продажба во светот и нови рекордни испораки. Меѓутоа, економските услови ќе останат предизвикувачки за бројните пазари", додал Норберт.