Првите фотографии и видео од новиот Samsung Galaxy S4 се појавија вчера на кинескиот форум 52 Samsung, а ако му веруваме на виденото, овој смарфон ќе има долго "home" копче и дисплеј висок од прилика 12 сантиметри, што ги потврдува гласините дека новиот модел ќе има поголем екран...
Galaxy S4 ќе биде подобрена верзија од Galaxy S3, а на јавноста би требало да и биде претставен во четврток во Њујорк. Што се однесува до карактеристиките, се претпоставува дека ќе има камера од 13 мегапиксели, процесор од 1,8 GHz и меморија од 2GB RAM. Се очекува и "eye tracking" систем, патент на Samsung кој ќе им овозможи на корисниците автоматско вртење на страниците со помош на очите.
