Првото место на листата на 500 највредни светски марки, која ја составува британската консултантска компанија Brand Finance, го презеде токму Apple.

Вредноста на брендот на познатата американска компанија проценета е на 87,3 милијарди долари, наведено е во соопштението на Brand Finance.

На второ место е најголемиот конкурент на Apple, јужнокорејскиот Samsung, чија вредност на брендот е проценета на 58,77 милијарди долари.

Интересно е што Samsung е единствена компанија меѓу првите 10 на оваа листа, која не е од Северна Америка.

Третото место го зазема компанијата Google, чија вредност според проценките на британската консултантска куќа достигнува 52,13 милијарди долари.

Меѓу првите 50 компании се најде и една британска телекомуникациска компанија - Vodafon, која има претставништво во цел свет.