Во весникот "Вашингтон пост" бил развиен прототип на робот, кој автоматски ќе ги детектира лагите на политичарите во нивните говори...

"Вистината и само вистината" е Мотото на робот "Truthteller" (зборувач на вистината). Паметната машина овозможува на секој кој ќе го слуша говорот или интервјуто на политичарот, да разбере што од кажаното е е вистина, а што - не. Технологијата е едноставна - кога "слуша" изјави на политичари, "Truthteller" го трансформира звукот во текст и го споредува со податоци, претходно собрани од новинари. Па, штом каже нешто лажно, на екранот на робот излегува натпис во црвена боја "Лага". Засега роботот е на стадиум прототип и затоа има некои недостатоци како неточности во испишаниот текст на екранот. Така, на пример, кога претседателот на Претставничкиот дом, изјави дека буџетскиот дефицит е "drag on our economy" (товар за нашата економија), на екранот се појавува зборот "dragon", што во пракса значи нешто сосема друго.

Друга пречка за дизајнерите на "Truthteller" е дека актуелнитњ факти роботот не може да ги оцени како лага или вистина. Луѓето од "Вашингтон пост" го признаваат тоа, но тие не претендираат да даваат недвосмислен одговор за тврдењата во дебатите, а "машината" е повеќе средство за подобро разбирање на текстови. Дизајнерите се надеваат дека ќе го испробаат роботот во текот на летото за време на изборите за гувернер на државата Вирџинија, а практична примена во мобилна варијанта предвидуваат за претседателските избори во 2016 година.