Иако многумина се сомневаат во веродостојноста на овие форографии, од друга страна многумина веруваат дека на нив е токму новиот iPhone 5S, кој ќе биде поефтин, но и подобар...

"Foxconn" фабриката обично нема проблеми со протекување слики од своите објекти, но "The Times of India" и нејзиниот кинески извор тврдат дека на сликите се црн и бел iPhone 5S. Истиот извор наведува дека новиот iPhone ќе биде со дебелина од околу 8.2 мм и изработен од пластика, наместо од брусен алуминиум и други метали. Исто така, повторно се шушка и за шест бои во кои овој iPhone 5S ќе биде достапен.

"GSMArena" наведува дека ова би можело да бидат клонови на iPhone, по кои се познати кинеските производители, затоа што од прикажаните фотографии не може со сигурност да се тврди кои се компонентите и какви се материјателите од кои е изработено куќиштето, но и дисплејот.

Она што исто така е необично, се работниците кои изгледаат како да пакуваат нешто отровно, а не да склопуваат iPhone телефон. Можеби не им е дозовлено да го допираат или да го "дишат неговиот воздух".