Уште во декември прв пат се појавија гласини дека Ејпл сепак подготвува iWatch, првиот мал рачен компјутер, но тогаш тие се проширија од кинеските блогови на кои се тврдеше дека до информациите се дошло преку личност од блиска компанија...

Но, овие шпекулации се зајакнаа откако во "New York Times" беше објавена вест во која се тврди дека тимот на Ејпл навистина работи на овој проект во нивното седиште во Cupertino. Според нивните наведувања, Ејпл "експериментира" со компјутерто за рачен зглоб, кој е прикриен со закривено стакло.

За таквиот уред известуваше и "Wall Street Journal", а минатата недела и поранешен Ејпл работник, Брус Тогназини, на својот блог напишал дека "iWatch ќе ја пополни дупката во екосоставот на Ејпл".

Иако "smartwatches" сеуште ни приближно не се проширени на пазарот како телефоните и таблетите, интерес во јавноста постои. Но, "експериментирањето" на Ејпл, како што покажува историјата, не значи дека овој проект ќе го здогледа светлото на денот.