Многу интересно истражување, спроведено во Велика Британија, покажало дека секој четврт сопственик на iPhone модел има оштетен или скршен екран.

Најпознатиот сајт во Велика Британија, кој се занимава со осигурување на мобилните телефони и слична опрема, MobileInsurance.co.uk спровел истражување во кое учествувале повеќе од 2.470 корисници на iPhone телефони од целата земја.

Прашани се да ја оценат состојбата на дисплејот на својот телефон, давајќи му оцена од еден до десет, корисниците во главно давале оценка 5, а дури 51% од корисниците пријавиле дека имале некој проблем со користење на смартфонот iPhone. Преку половина од оние кои пријавиле дека имале некој проблем навеле дека тоа било замрзнувањето на почетниот екран и дека тоа им се случило во главно со iPhone 4S моделот.

Дури 23% од испитаниците, кои пријавиле дека екранот им е скршен или оштетен, таков телефон користат повеќе од месец дена, па и шест месеци, а речиси никој не планира да го замени или поправи.

Причините за тоа се разни. Околу 32% немаат време да чекаат телефонот да им се поправи, додека околу 21% моментално немаат пари да ја платат поправката на екранот, затоа што гаранцијата не го покрива тоа. Исто така, околу 24% од корисниците немаат осигурување на својот телефон, па поправката им е неоправдано скапа, а 19% од корисниците навеле дека оштетувањето е подносливо и дека не им пречи.

Корисниците наведувале различни причини за оштетување. На најголем број корисници телефонот им паднал од помала или поголема висина, дел од нив настапнале на него, дел од нив седнале, а има и такви кои телефонот го оштетиле членови на семејството или партнерите. Порталот IntoMobile на крајот наведува дека Британците се една од најневнимателните нации што се однесува до чување и користење на iPhone.