Францускиот произведувач Archos најави почеток на продажбата на својот нов таблет уред Archos 80 Titanium по цена од само 169 евра...

Уредот доаѓа со Гугл оперативен систем АНдроид 4.1 JB (Jelly Bean), екран со IPS матрица од осум инчи чувствителен на допир, резолуција 1.024 х 768 пиксели, како и со duel core процесор од 1,6 гигахерци на кој се надоврзува quad core графички чип.

Таблетот содржи гигабајт РАМ меморија, складишен простор од 8 гигабајти кој може да се зголеми на 75 GB, со една microSD каричка од 64GB, бежична Wi-Fi врска, како и мини излез тип HDMI, за поврзување на паметни и други аудио-видео уреди.

Archos 80 Titanium се придружи на производната палета која наскоро ќе биде збогатена со лансирање на уредите Archos 70 Titanium и Archos 101 Titanium, но нивните цени за сега не се најавени.

Овој симпатичен таблет, кој може да се купи во црна и бела боја треба да биде главниот конкурент на Nexus 7 од ASUS и iPad mini на Apple.