Тоа за корисниците значи послободен, побрз и побезбеден начин на споделување на фајлови со неограничена количина на податоци кои можат да ги чуваат на Cloud-от.

BitTorrent, како open source платформа ќе продолжи да се користи и низ Cloud сервисот, само што на корисниците ќе им биде на располагање дополнително складирање и синхронизација на податоците. Како што тоа го овозможуваат DropBox и MegaCloud, на корисниците на располагање ќе им биде употребата на BitTorrent платформи на различни уреди, но со неограничен мемориски простор со доживотно користење. Значи - без ограничување!

BitTorrent Cloud решението ќе функционира како и секое друго, порано претставено, со тоа што серверскиот дел од работата ќе го извршува BitTorrent Sync апликацијата. Таа ќе биде задолжена за спојување, така да се изразиме, на корисниците, кои своето Cloud опкружување, во кое чуваат фајлови, ќе го делат со другите корисници.

Ваквиот начин на работа оневозможува упад на несакани „гости“ од страна, но и ги лишува сите корисници од законските регулативи, кои би можеле да ги прекршат.

Cloud апликацијата моментално е во така наречена pre-alpha верзија и компанијата ги повикува сите заинтересирани корисници бесплатно да ја тестираат и така да помогнат во нејзиниот развој и завршување. Апликацијата е достапна за Linux, Windows, како и за Mac OS компјутери и може бесплатно да се преземе од овде.