Следното лето ќе биде пожешко отколку што метеоролозите најавуваат, ако Ејпл навистина не изненади со новите iPhone модели во разни бои...
Еден од најпознатите портали, "CNet", објавил напис во кој најавува две нови iPhone верзии за ова лето – поволниот iPhone 5 и унапредениот iPhone 5S.
Поефтината верзија на iPhone смартфонот ќе дојде со куќиште од некој друг метал, наместо алуминиум и ќе се продава во бои како новиот iPod player. Ќе има слични опции како 5-ката и ќе чини меѓу 350 и 450 долари.
Унапредената варијанта на актуелниот модел iPhone 5Ѕ ќе има унапреден екран со сензор на отисок, подобра камера со f2.0 апаратура и паметен LED блиц. Освен тоа, ќе има А7 чип кој ќе му овозможи побрза работа и подобри перформанси. Цената за овој модел сеуште не е објавена.
"CNet" до овие податоци дошол на основа на објавите на "KGI Securities" аналитичката компанија, а на основа на тврдењата на извесниот Минг Чио Кјуа, кој сето тоа го најавил на порталот "MacRumors". Тој навел и дека премиерата на двата нови iPhone модели се очекуваат во јули.
